Durrës, 4 Tetor 2010 NOA – Një vajzë që ende nuk kishte mbushur 14 vjeç është bërë pre e përdhunimit nga një pervers i cili është arrestuar nga policia nën akuzën e veprës penale te marrëdhënieve seksuale apo homoseksuale me dhunë me të mitur.
Asllan Quska, 51 vjeçar, lindur e banues ne Arapaj, Komuna Rrashbull Durrës, me arsim 8 klasë u ndalua pasi ka bërë kallëzim penal pranë Komisariatit të Policisë Durrës një 14-vjeçare, banore e rrethit të Durrësit.
E mitura e cila ende nuk e kishte nisur marrëdhënien normale përmes një lidhjeje dashurore, ka treguar se pak ditë më parë më 30 shtator 2010, rreth ores 14.00 ra pre e përdhunimit.
Atë ditë, sipas denoncimit, 51-vjeçari Asllan Quska e ka marrë me anë të mashtrimit dhe ka kryer marrëdhënie seksuale me dhunë me të në një objekt në ndërtim e sipër, në pronësi të tij.
Policia tha zyrtarisht se “nga ana jonë u kryen veprimet e nevojshme proçeduriale dhe materialet per vepren penale te marrëdhënieve seksuale apo homoseksuale me dhunë me të mitur iu kaluan për ndjekje Prokurorisë së Rrethit Durrës”.
e.r/NOA
