Tiranë, 7 tetor, NOA – Kryeministri Sali Berisha i ka bërë ftesë sot liderit të opozitës Edi Rama të votojë në kuvendin e Shqipërisë ligjin për Gjykatat Administrative.
Gjatë fjalës së tij në mjediset e kryeministrisë ku zoti Berisha përshëndeti miratimin e raportit për heqjen e vizave nga Parlamenti Evropian, shefi i ekzekutivit tha se është e papranueshme që Shqipëria të mos votojë një ligj të tillë duke kthyer mbrapsh kështu paratë e taksapaguesve amerikanë.
Kjo deklaratë e kryeministrit erdhi një ditë pas një komunikate të ambasadës së SHBA-ve në Tiranë, ku kjo e fundit shprehu keqardhjen dhe zhgënjimin e saj për mos miratimin e ligjit të Gjykatave Administrative, duke bërë me dije se SHBA-të anuluan fondin prej 16 milion dollarësh dhënë nga taksapaguesit amerikanë për këto gjykata.
Kryeministri Berisha tha ndërkohë se votimi i këtij ligji në seancën më të parë plenare, duke nëvizuar gatishmërinë edhe për një seancë të jashtëzakonshme për votimin e ligjit, është mirënjohje për gjithë ndihmën e SHBA-ve në këto vite të zhvillimit të demokracisë shqiptare.
Ai e cilësoi si të paimagjinueshëm për taksapaguesit amerikanë, të cilët kanë investuar në këto 20 vite të ndërtimit të demokracisë shqiptare, faktin e marrjes së parave mbrapsht.
Në deklaratën e djeshme të ambasadës së SHBA-ve shprehej zhgënjimi për vendimin e opozitës shqiptare për të miratuar në 30 shtator ligjin për gjykatat administrative, ndërsa vetë ambasada shprehu vlerësim për punën e mazhorancës dhe kërkesat e vazhdueshme të saj për miratimin e ligjit.
mit/NOA
