Gjirokastër, 7 tetor 2010 NOA – Një aksident i rëndë rrugor ka ndodhur pak minuta më parë në jug të vendit dhe dyshimet e para bien mbi shifrën e tre të vdekurve, raporton korrespondenti i agjencisë NOA.
Ngjarja ka ndodhur në Valare pranë Gjirokastrës. Një autoveturë tip “Benz” është përplasur me një makinë tjetër, tip “Mitsubishi” dhe për pasojë ka gjetur vdekje të menjëhershme drejtuesi i njërit mjet dhe dy pasagjerë që ndodheshin në makinën e tij.
Gjithashtu raportohet dhe për një grua të plagosur rëndë.
Në vendngjarje momentalisht qarkullimi rrugor i mjeteve është ndërprerë, gruaja e plagosur po dërgohet në spital kurse policia po kryen hetimet e rastit.
e.r/NOA Vijon...
