Tiranë, 8 tetor, NOA, Update – Nisja e protestave do të synojë largimin e qeverisë. Ky është qëndrimi që ka mbajtur sot kryetari i Partisë Socialiste Edi Rama në lidhje me organizimin e fundit të opozitës kundër qeverisë. “Largimi i qeverisë është alternativa e mirëqeverisjes”, tha Rama gjatë një bashkëbisedimi me gazetarët.
Kreu i PS-së ka folur dhe për largimin e deputetit të PS-së, Vangjel Tavo. Ai ka hedhur poshtë mundësinë e largimit të Tavos, si pasojë e problemeve të PS-së në qendër.
“Deputeti në fjalë ka pasur në shqetësim të shprehur në muaj me radhë për mos funksionimin e partisë në rrethin e tij”, ka thënë Rama, duke shtuar se pozicioni i tij do të sqarohet”.
Nga ana tjetër Rama ka theksuar se mënyra sesi reagon qeveria ndaj akuzave, “ka në tipar karakteristik mafioz”. Sipas tij janë të papranueshme fyerje dhe denigrimet e kundërshtarit, të cilat sipas tij, janë bërë një model i mazhorancës së sotme.
Kreu i PS-së është ndalur dhe në kontributin e PS-së për heqjen e vizave, duke theksuar se dhe faktori ndërkombëtarë e ka njohur lotimin e PS-së në favor të kësaj kauze.
“Lajm i jashtëzakonshëm që erdhi dje nga PE përmban një moment të rëndësishëm se projekti i BE i hapjes së kufijve ka kapërcyer të gjitha barrierat”, tha Rama. Ai shtoi se “PS sot është krenare për kontributin e dhënë”.
a.k/NOA
