Savona, Itali, 9 tetor 2010 NOA - Një i ri 21-vjeçar nga Valbormida, në zonën e Savonës, është arrestuar dhe kjo pasi u akuzua për përdhunimin e motrës 2-vjeçare të së fejuarës së tij.
Djali i ndalua në mbrëmjen e ditës së premte dhe menjëherë u transportua në burgun e Xhenovas.
Sipas informacioneve të hetimit, personi që akuzoi djalin, ishte pikërisht e ëma e fëmijës, e cila me sa duket kishte kuptuar gjithçka po ndodhte.
E fejuara e tij nuk ishte aspak në dijeni të çështjes. Episodet e ngacmimeve dhe të dhunës vazhdonin prej gati një muaji.
Me sa është bërë e ditur nga burime zyrtare, djali u arrestua nga karabinierët e Cairo Montenotte (Savona), në momentin që u kap në flagrancë të krimit.
r.b/NOA
