Beograd, 11 tetor, NOA - Përleshje të dhunshme në Beograd, ku grupe të shumta huliganësh kanë kërkuar të ndalojnë zhvillimin e Gay Pride.
Në përleshjet me policinë janë numëruar 57 të plagosur, ndërsa shumë persona të tjerë janë arrestuar.
Manifestimet kanë qenë kundrejt selisë kryesore të Partisë Demokratike, formacioni politik i presidentit Boris Tadiç.
Hedhja e sendeve të ndryshme madje në drejtim të institucionit ka shkaktuar dhe zjarr. Kështu, kanë qenë të shumtë personat që janë mbledhur dje në qendër të Beogradit për të protestuar manifestimin e nderit të homoseksualëve në vend.
Grupet anti-gay të përbërë nga tifozët e skuadrave të futbollit, kanë kërkuar të shkatërronin këtë paradë të homoseksualëve.
Për momentin, flitet vetëm për dy arrestime, por siç është bërë e ditur, janë të shumtë personat që kanë përfunduar në pranga.
Ultrasit kanë hedhur bomba molotov kundrejt agjentëve, të cilët u janë përgjigjur me ato lotsjellëse. Për t’u theksuar është se mes 57 personave të plagosur, 46 prej tyre janë policë.
r.b/NOA
