Tiranë, 15 tetor, NOA – “Kjo është një ditë pune, por unë ndjej një gëzim të veçantë, sepse vitet mbrapa unë përpara”. Kështu është prononcuar për ditën e tij të lindjes, kryeministri Sali Berisha, sot në përvjetorin e tij të 66-të.
Pyetjes së mediave sesi ndihet në këtë ditë, ai iu përgjigj se ditën e lindjes, zakonisht e ka thellësisht private, porse ndihet shumë mirë me atë çka është, dhe se përvjetori më i bukur për të, është ai që ende nuk ka ardhur.
“Përvjetori më i bukur i jetës? Ditëlindjet që vijnë ...”, - mësohet të ketë thënë ndër të tjera kryeministri i pyetur për festën e tij të lindjes.
“Kam shumë arsye të falënderoj Zotin dhe të gjithë ata bashkëpunëtorë të mi, të cilët kanë kontribuar në mënyrë që ky vit, i cili lamë pas, të ishte një vit i i suksesshëm, pasi në tërësi janë plotësuar pritshmëritë që kam patur, dhe kam arsye të jem i gëzuar”, ka komentuar më tej kreu i qeverisë në ditën e tij të lindjes.
Data 15 tetor sivjet ka përkuar me 66-vjetorin e lindjes së kryeministrit shqiptar, Sali Berisha, i cili ka lindur përkatësisht në 15 tetorin e vitit 1944, në Tropojë.
Ndërsa në vitin 1967 ai do të përfundonte studimet në Fakultetin e Mjekësisë, Universiteti i Tiranës, dhe u specializua më pas në degën e kardiologjisë.
Ndërsa pas viteve ’90 ai njihet për angazhimin e tij në politikën vendase, duke patur një kontribut të padiskutueshëm në zhvillimet e Shqipërisë dy dekadat e fundit.
n.e/NOA
