Sicili, 16 Tetor, NOA- Martesë sekrete për Kate Moss në Sicili. Lajmi është bërë i ditur nga e përditshmja britanike Daily Mirror, sipas të cilës celebrimet janë kryer më 7 gusht në një kishë të vogël siciliane. Siç bëhet e ditur top-modelja kishte veshur një fustan transparent dhe ishte me këmbë të zbathura, ndërsa bashkëshorti Jamie Hince ishte me një veshje më tradicionale dhe me ngjyrë të errët në stilin romantik-bohemien.
Në fund të ceremonisë, çifti ka kërcyer poshtë pemëve.
"Kate ka pasur një jetë sentimentale të turbullt", - bëri të ditur një burim. "Megjithatë mund të them se thellë në zemrën e saj ajo është një romantike e vërtetë. Kate ka kërkuar gjithmonë të ketë një celebrim të fshehtë të dasmës së saj dhe të veçantë në mënyrën e realizmit. Ajo çka kërkonin të dy ishte një festim më shumë shpirtëror se sa formal. Mendoj se ja kanë arritur në kishën e vogël siçiliane dhe për to ishte një ditë shumë e lumtur”, - përfundoi personi anonim.
r.b/NOA
