Vatikan, 17 tetor, NOA - Papa Benedikti do të kanonizojë sot Motrën e Nderit, Mary MacKillop, si e shenjta e parë nga Australia.
Mijëra australianë pritet të mblidhen për të parë në ekrane gjigante se si Papa realizon ceremoninë e shenjtërimit në Vatikan.
MacKillop, e cila vdiq në vitin 1909 kur kishte 67 vjeç, shihet si pioniere e shkollimit në pjesët e thella të Australisë, por dhe si krijuese e urdhrit të parë fetar, Motrat e Nderit të Shen Jozefit të Zemrës së Shenjtë. Për të thuhet se ka bërë disa mrekulli, dy prej të cilave janë pranuar edhe nga Vatikani, transmeton REL.
Gjatë ceremonisë së sotme në Vatikan, përpos kësaj Motrës Mary MacKillop do të shenjtërohen edhe persona të tjerë nga Kanadaja, Spanja, Polonia dhe Italia.
NOA
