Tiranë, 19 tetor, NOA - Çdo akuzë e lëshuar pranë organit të akuzës nga ish-ministri i Ekonomisë, Dritan Prifti, për ushtrim të kontrabandës së naftës nga zyrtarët e lartë do të kalohet “në sitë” të plotë prej tij.
Një fakt të tillë e ka bërë me dije kryeprokurorja Ina Rama, gjatë një prononcimi të posaçëm për mediat lidhur me këtë çështje, duke sqaruar se nuk do të ketë aspak lëshim për akuzat e tilla të rënda që janë lëshuar nga ish-ministri.
Sipas saj, do hetohet çdo akuzë e Priftit për ushtrim të kontrabandës së naftës nga numri dy i policisë së Shtetit, Agron Kuliçaj.
Vetëm para pak ditësh, ish-ministri i Ekonomisë Dritan Prifti ka shkuar në prokurori ku ka dëshmuar para grupit të Task-Forcës gjithçka di apo disponon në formë materialesh, mbi atë që ai e ka cilësuar si kontrabandë nafte.
Bëhet fjalë për shitjen e naftës verxhine brenda vendit dhe jo të eksportuar jashtë siç e përmban ligji, duke implikuar këtu direkt Kuliçajn.
n.e/NOA
