Ferizaj, 19 Tetor, NOA - Pas një pune të suksesshme operative, hetuesit e Ferizajt, kanë arritur që të identifikojnë dhe arrestojnë personin e dyshimtë, i cili me anë të mesazheve nga celulari ka kërcënuar 5 pronarë biznesesh se nëse nuk i paguajnë shumat e kërkuara nga ai do të kishin pasoja të rënda.
Lajmi konfirmohet prej tyre për agjencinë e Lajmeve NOA, duke saktësuar se i ndaluari u kërkonte bizneseve shumat prej 15.000 deri 40.000 euro javën e fundit.
Kështu, ai ngarkohet për veprat penale “Detyrim” dhe “Kanosje”,
Gjatë intervistimit nga ana e hetuesve, i dyshuari me inicialet A.H., 28 vjeç, në detaje ka përshkruar veprimet e tij, si dhe i është konfiskuar celulari me numër të njëjtë, prej të cilit janë dërguar mesazhet kërcënuese.
n.e/NOA
