Tiranë, 21 tetor, NOA - Partia Drejtësi dhe Unitet, menjëherë pas votimit në Kuvend për mandatin e deputetit socialist, Ilir Beqja, ka lëshuar një deklaratë për shtyp, përmes së cilës ka sqaruar votën e dy deputetëve të saj, Shpëtim Idrizi dhe Dashamir Tahiri.
“Votat tona kane qenë e do të jenë për mazhorancën pa ekuivok. PDU as jep dhe as heq mandate. Për këtë arsye votat e PDU-së sot nuk ishin pro heqjes së mandatit të deputetit Beqja, edhe pse PDU do të vazhdojë të mbështesë mazhorancën pa ekuivok”, citohet në këtë deklaratë.
Kuvendi i Shqipërisë sapo ka votuar me 70 vota pro dhe 67 kundër, për dërgimin e kërkesës për interpretimin dhe vlerësimin nëse mandati i deputetit socialist, Ilir Beqja është në përputhje me Kushtetutën, një kërkesë që do ta vlerësojë tashmë Gjykata Kushtetuese.
n.e/NOA
