Tiranë, 25 Tetor, NOA - Në kuadër të 26 tetorit, “Ditës së të rënëve të Policisë në krye të detyrës”, për të përkujtuar dhe vlerësuar aktin sublim të punonjësve të policisë të rënë për shkak të detyrës si dhe “Javës së Vizitorëve të Policisë”, Drejtoria e Policisë së Tiranës po zhvillon prej ditësh, një sërë aktivitetesh me dyer të hapura.
Kështu, sot është parashikuar që në mjediset e Drejtorisë së Tiranës të zhvillohet një aktivitet i gjerë, me pjesëmarrje të institucioneve të qeverisjes vendore, arsimit, OJF-ve si dhe përfaqësuesve të medias.
Ndërsa ditën e nesërme, drejtuesit e Policisë së Tiranës, sipas programit të hartuar nga Drejtoria e Përgjithshme e Policisë së Shtetit do të vendosin kurora në varrezat e “Dëshmorëve të Policisë” në përkujtim të të rënëve në krye të detyrës si dhe do të kryejnë vizita në familjet e të rënëve të policisë.
n.e/NOA
