Paris, 27 tetor, NOA – Presidenti francez, Nicolas Sarkozy, po përballet aktualisht në Francë me popullaritetin më të ulët që ka patur ndonjëherë, që nga marrja e detyrës për kryesimin e shtetit të Francës para 3 vitesh.
Këtë e tregon një sondazh i fundit i zhvilluar në këtë vend, sipas të cilit, ndaj tij po rëndon aktualisht kostoja e kundërshtimit të ligjit të qeverisë për reformimin e pensionit, i cili do të rriste moshën minimale të pensionit edhe për dy vjet të tjera,duke e çuar në 62 vjeç.
Kjo reformë, sipas të dhënave, kundërshtohet nga mëse 70 përqind e francezëve, të cilët përbëjnë kështu një kontingjent të shtuar kundër kryetarit të shtetit të tyre.Nga ana e tij, presidenti Sarkozy ka deklaruar se këto reforma janë të domosdoshme për të zbutur deficitin buxhetor të Francës dhe ka mbajtur qëndrim të rreptë ndaj reformave. n.e/NOA
