Bruksel, 28 tetor, NOA – Kryeministri Nikolla Gruevski sot në Bruksel pritet të takohet me homologun e tij grek, Jorgos Papandreu, një takim i radhës për kontestin e emrit.
Takimi do të zhvillohet në margjinat e Këshillit të Evropës, bëjnë të ditur burime pranë Qeverisë së Maqedonisë.
Ky është takimi i shtatë me radhë midis dy kryeministrave, por që nuk kontribuan në tejkalimin e mosmarrëveshjeve lidhur me gjetjen e një kompromisi për emrin.
Kryeministri Gruevski po qëndron për vizitë treditore në Bruksel, për të realizuar takime me zyrtarë të lartë të BE-së.
Ai dje zhvilloi një takim me presidentin e KE-së, Hoze Manuel Baroso, ku në qendër të vëmendjes ka qenë raporti vjetor i Komisionit Evropian për Maqedoninë, që pritet të shpallet më 9 nëntor.
NOA-INA
