Padova, 29 tetor NOA - Një vajzë nga Padova 25 vjeçare, pas një operacioni në bajame, është zgjuar nga anestezia dhe kuptoi se kishte qenë përdhunuar.
Dhuna seksuale e ushtruar mbi të është konfirmuar nga një klinikë, por në lidhje me fajtorin nuk ka asnjë gjurmë. Karabinierët deri tani nuk kanë arritur të gjejnë asnjë të dhënë dhe me sa duket është tepër e vështirë të gjendet se kush ka përfituar nga gjendja e vajzës për të abuzuar mbi të.
Lara vendosi ta tregonte këtë histori ku pohoi se pas operacionit i cili zgjati 30 minuta më shumë seç ishte parashikuar, u çua në një dhomë. Në zgjimin e saj përveçse dhimbjes që kishte në fyt kishte dhe në organet e saj seksuale.
Megjithatë për momentin ajo nuk kishte kuptuar asgjë dhe vetëm pas dhjetë ditësh, pasi nuk arriti të çonte në përfundim një marrëdhënie me të fejuarin e saj, Lara vendosi të bënte një kontroll tek mjeku. dhe pse kërkimet në lidhje me fajtorin e kësaj ngjarje nuk kanë pasur sukses sërish, Lara ka dashur që një histori e tillë të mos mbarojë dhe të mos harrohet.
r.b/NOA
