Romë, 30 tetor, NOA – Ndërsa është përfshirë në një skandal të ri seksual në mediat italiane, me një minorene marokene, të cilës i jepte 5 mijë euro për çdo takim, edhe pse nuk bëri kurrë dashuri me të, kryeministri italian Silvio Berluskoni, nuk duket të jetë shqetësuar fort për këtë gjë.
“Unë e dua jetën dhe i dua femrat, ky është stili im i të jetuarit dhe nuk kam për ta ndryshuar”, tha ai para mediave lidhur me akuzat e radhës.
Duke shtuar se ajo që ka dashur ishte vetëm ta ndihmonte vajzën e re, e cila kishte një fat tragjik dhe asgjë më shumë se kaq.
Vajza marokene e quajtur Ruby, ka deklaruar sesi për çdo takim me Berluskonin, në shtëpinë e tij në Arcore, ai i jepte 5 mijë euro.
Ajo që dihet me siguri nga prokurorët, është se gjithsesi, kryeministri në këto festa kur e ftonte që ajo të ishte e pranishme, nuk ka kryer kurrë marrëdhënie seksuale me të.
n.e/NOA
