Milano, 31 Tetor, NOA- Ka lindur pa hundë për shkak të një sëmundje të rrallë të quajtur “Arina”një vogëlushe norvegjeze. Por në sajë të një ndërhyrje kirurgjikale në "Ospedale San Paolo" të Milanos, pacientja e vogël 9 vjeçare, ka mundur ti kthehet jetës normale.
Ky është operacioni i dytë i këtij lloji në Itali (i pari në 2007, përsëri në San Paolo) dhe i pestë në botë. Ndërhyrja, u nda në tri faza, dhe u krye nga ekspertë të drejtuar nga Roberto Brusati, drejtor i Kirurgjisë në San Paolo. Te fëmija në fakt mungonin që nga lindja si pjesa e jashtme e hundës, ashtu dhe kanalet e brendshme.
“Vajza norvegjeze kanë qenë subjekt i përpjekjeve për të korrigjuar problemin në Londër, thanë mjekët në San Paolo dhe vetëm më vonë erdhi te ne, pasi mjekët anglezë kishin lexuar rastësisht në revistat shkencore rastin e fëmijës maroken bërë operacion në 2007 nga doktor Brusati”.
Siç, u tha nga ana e ekipit që kreu operacionin, në operacionin e parë ishin modeluar eshtrat ku do akomodohej hunda e re. Operacioni i dytë në një distancë prej disa muajsh nga i pari, ka rindërtuar piramidën e hundës nga një kërc brinje e marrë nga fëmija. Operacioni i tretë ka larguar “urën” e lëkurës që lidhte hundën e rindërtuar me ballin.
"Operacioni ishte i suksesshëm – ka thënë Brusati - dhe fëmija tashmë është në gjendje të kthehet në Norvegji me familjen dhe hundën e saj të re".
a.e./NOA
