Tiranë, 4 Nëntor, NOA – Statusi i Korçës dhe i Boboshticës është i njohur zyrtarisht dhe ndërkombëtarisht, e nuk ka nevojë për deklarata që vijnë nga jashtë se ato na qenkan “Greqi”.
Ky ka qenë apeli i drejtuar sot në seancë plenare nga deputeti Shpëtim Idrizi, njëkohësisht kryetari partisë për Bashkim dhe Unitet (PDU) lidhur me skandalin e Boboshticës.
I cili ka thënë më tej, se “kush prek varret, ka dhunuar shpirtrat e të vdekurve”.
Sipas Idrizit, nuk duhen lejuar më incidente të tilla në tokën shqiptare, si ai që ndodhi në Boboshticë të Korçës.
“Duhet të hiqet dorë nga qarqet shoviniste të shekullit XX dhe të shohim nga e ardhmja, duke nderuar të vdekurit, pavarëishst cila qoftë përkatësia e tyte, etnike apo fetare”, përfundoi fjalën e tij, deputeti Shpëtim Idrizi.
n.e/NOA
