Tiranë, 5 nëntor, NOA – “Zoti Beja është shembulli i vetë-përdorimit të një burri që në moshën e tretë gënjen sepse ia kërkon Saliu. Të gjithë e panë që ne dhe euro-parlamentarët e djathtë votuam pro amendamentit të zonjës Pack, ndërsa Partia Demokratike votoi kundër mbështetëses më të flaktë që ka në Parlamentin Evropian”.
Kështu është shprehur sot deputeti socialist, Ilir Beqja, ndaj deklaratës së Fatos Bejës sipas të cilit, edhe vetë zonja Pack e pa kush e pengon zgjidhjen e krizës.
Një reagim i tillë i tij mbërriti pasi sot dështoi përpjekja e euro-parlamentarëve për zgjidhjen e krizës politike në Tiranë, ndërsa PD votoi kundër propozimit të Doris Pack për fletët e votimit, ndërsa PS votoi pro.
n.e/NOA
