Tiranë, 9 nëntor, NOA – Heqja e vizave, për të cilat qeveria italiane ka dhënë një kontribut të veçantë, është një akt madhor besimi së bashku me anëtarësimin e Shqipërisë në NATO, si dy nga pasaportat më të shkëlqyera të besimit për shqiptarët.
Këto dy faktorë i ftojnë investitorët italianë që të investojnë në Shqipëri dhe të jenë mëse të sigurt për të ardhmen e tyre.
Një fakt të tillë kryeministri Berisha e ka shprehur gjatë një takimi të Dhomës së tregtisë Italiane në Tiranë, duke cituar konkretisht se investimet italiane në Shqipëri janë rritur në nivelin prej 30 përqind.
“Ne i kemi të gjitha mundësitë që t’i përmbahemi modelit të investimeve të huaja. Ju keni b urimet e duhura financiare, kurse Shqipëria ofron kushtet më lehtësuese, ndaj themi se kjo mund të jetë një histori e vërtetë suksesi”, iu drejtua ai sipërmarrësve italianë.
n.e/NOA
