Romë, 12 Tetor, NOA- Kafja është një aleate kundër diabetit: e thonë shumë studime epidemiologjike që kanë treguar se një konsum i moderuar dhe konstant i kafesë ul rrezikun e diabetit tip 2.
Sot një kërkim në (Istituto Nazionale di Ricerca sugli Alimenti e la Nutrizione) (Instituti Kombëtar për Kërkime mbi ushqimin dhe të ushqyerit), drejtuar nga doktoresha Fausta Natella duket se ka zbuluar psenë.
Ekipi i Dr. Natella është bazuar në rezultatet e këtyre studimeve dhe ka zbuluar gjithashtu se merita nuk është e kafeinës. "Ne kemi zbuluar se komponimet e fenolicit që gjenden në kafe (acidi klororogjenik, acidi ferulik dhe acidi kafeinë) mund të pengojnë disa enzima të përfshira në tretjen e karbohidrateve (a-glukosidase), ndërkohë që kafeina nuk ka treguar ndonjë aktivit frenues të këtyre enzima”, thotë doktoresha Natella. Një kafe e zakonshme apo dekafeinato parandalon diabetin, duke mbajtur nivelin e ulët të sheqerit në gjak pas ngrënies.
Studiuesit thonë: "Kafja ndërhyn në tretjen e karbohidrateve dhe kjo u konfirmua nga të dhënat eksperimentale. Ne këshillojmë të pihet kafe pas buke, por duhet të jeni të kujdesshëm të mos pini më shumë se 4-5 në ditë".
a.e./NOA
