Haiti, 12 nëntor NOA - Epidemia e kolerës që ka vrarë gati 600 vetë në Haiti ka mbërritur në Port-au-Prince dhe tani rrezikohet një përhapje e shpejtë e saj në qytet, i cili ka rreth 3 milionë njerëz.
Epidemia, e cila filloi tre javë më parë, deri më tani kishte goditur shumë fshatra në Haitin qendror, por tani kërcënon lagjet e varfra të kryeqytetit.
“Kjo sëmundje ka arritur në zonën metropolitan”, - tha Gabriel Thimote, drejtori i përgjithshëm i departamentit shëndetësor në Haiti.
Rastet e konfirmuara janë 73 në Haiti, por autoritetet kanë frikë se bilanci do të rritet.
Thimote shtoi gjithashtu se, edhe pse uragani Tomas ishte më pak i dhunshëm sesa pritej në kalimin e tij në Haiti, megjithatë, shirat e dhunshëm kanë ngritur nivelet e ujit dhe kanë shkaktuar daljen nga shtrati të shumë lumenjve, duke përkeqësuar situatën shëndetësore.
r.b/NOA
