Laç, 14 nëntor, NOA – Policia ka arritur të arrestojë autorin e vjedhjes së banesës së një personi tre muaj më parë në qytetin e Laçit. Grabitësi ka qenë pikërisht vëllai i tij pronarit të shtëpisë, i cili në muajin gusht pasi kish hyrë në banesë dhe kish marrë prej andej katër celularë me vlerë 38 mijë lekë.
Korrespodenti i Agjencisë NOA njofton se grabitja jo e zakontë është kryer nga 41 vjeçari Lulëzim Sallaku, banues në lagjen Nr. 5, “Sanxhak” të Laçit.
41-vjeçari ka hyrë në banesën e vëllait të tij, me B.S, prej nga ka marrë dhe telefonat. Pas ngjarjen vëllai ka hedhur dyshime për vjedhjen, derisa ka vendosur ta denoncojë në polici të afërmin e tij për grabitjen e celularëve.
Pak ditë më pas Prokuroria e Laçit ka nisur dhe procedimin penal nga Sollakut, ndërkohë që ende nuk ishte ndalur nga policia.
Vetëm paraditen e djeshme forcat e policisë kanë rënë në gjurmët e 41-vjeçarit dhe e kanë arrestuar ata.
Pas verifikimit të të dhënave dhe dëshmive të para, 41-vjeçari ka pranuar se ai është autori i vjedhjes së banesës së vëllait të tij me iniciale B.S.
a.k/NOA
