Athinë, 15 nëntor, NOA – Partia Socialiste PASOK në Greqi, e cila kryesohet nga kryeministri Giorgos Papandreu, ka arritur të fitojë edhe në raundin e dytë të zgjedhjeve komunale dhe rajonale në Greqi.
Një fakt të tillë, Papandreu e ka cilësuar si sukses jo vetëm të partisë së tij, por mbi të gjitha, të masave të kursimeve që ai ka aplikuar në vend për të shpëtuar vendin njëherë e mirë nga kriza ekonomike që e ka kapluar atë.
Kjo fitore është shënuar mjaft simbolike dhe e rëndësishme nga Papandreu, po të vlerësojmë sipas tij faktin se socialistët fituan ndër tjerash për herë të parë që prej 24 vitesh edhe postet e kryetarëve të bashkive në Athinë dhe Selanik.
Ndërkaq, edhe në raundin e parë zgjedhor, PASOK kryesonte ndaj opozitës, e cila përfaqësohej kryesisht me partinë konservatore.
n.e/NOA
