Lisbonë, 17 nëntor, NOA – Samiti i 24 i NATO-s në Lisbonë që do të mbahet më 19 dhe 20 nëntor sërish anashkaloi Maqedoninë dhe dhënien e ftesës për anëtarësim.
Në agjendën e publikuar nga Aleanca dy ditë para mbajtjes së Samitit nënvizohen temat kryesore si Miratimi i Konceptit të ri strategjik i NATO-s, tranzicioni dhe misioni në Afganistan dhe Marrëdhëniet NATO-Rusi dhe përforcimi i tyre.
Mos tejkalimi i problemit të kontestit të emrit me Greqinë, ka bërë që Shkupi zyrtar edhe në këtë Samit të pësojë dështimin e radhës për mosmarrjen e ftesës për anëtarësim, e cila është e siguruar me strategjinë e zgjerimit A3. Sekretari i përgjithshëm i NATO, Anders Fogh Rasmussen.
“Aleanca e ka qëndrimin e qartë që nga Samiti i Bukureshtit dhe vendimi nuk ka ndryshuar. Fatkeqësisht ende nuk është arritur ndonjë konkluzion mbi çështjen e emrit”, deklaroi Rasmussen.
Në pikën e dytë të Samitit rreth konceptit të ri strategjik, NATO do të konfirmojë strategjinë e zgjerimit të saj me anëtare të reja gjatë dhjetëvjeçarit të ardhshëm.
Strategjia e re do të përfshijë angazhimin e Aleancës në zgjidhjen e krizave të mëdha ndërkombëtare, në Kosovë, Afganistan, në zhvillimin e kërcënimeve të reja ( terrorizmit bërthamor, kimik dhe përhapja bakteriologjike,-cyber sulmet), ndryshimet në Rusi, etj. NOA-INA
