Lisbonë, 20 nëntor, NOA - Në përfundim të punimeve të Samitit të NATO-s, krerët e shteteve dhe qeverive të vendeve anëtare të Aleancës miratuan deklaratën përfundimtare të këtij Samiti, ku në një paragraf të veçantë i kushtohet vëmendje zhvillimeve në Kosovë.
Në këtë deklaratë përshëndetet dhe mirëpritet progresi, si dhe inkurajohet përpjekja e mëtejshme për mbrojtjen e pakicave etnike e bashkësive, si dhe vendeve historike dhe fetare në Kosovë.
Në të thuhet konkretisht: “I bëjmë thirrje Serbisë që të mbështesë përpjekjet e mëtejshme drejt konsolidimit të paqes dhe stabilitetit në Kosovë. Ne i kërkojmë të dyja vendeve të përfitojnë nga mundësitë e ofruara nga BE për të mundësuar dialogun mes tyre i cili është mirëpritur edhe nga Rezoluta e 9 shatorit 2010 e Asamblesë së Përgjithshme OKB si një kontribut për paqe, siguri dhe stabilitet në rajon.Ne inkurajojmë progres në forcimin e “rule of lau”. Ne mirëpresim progres dhe inkurajojmë përpjekje të mëtejshme për mbrojtjen e pakicave etnike dhe bashkësive, si dhe vendeve historike dhe fetare në Kosovë”.
n.e/NOA
