Tiranë, 24 nëntor, NOA – Këshilltarët e Partisë Demokratike do të kërkojnë nga Bashkia e Tiranës që të dëmshpërbleje qytetarët që u bllokuan në trafik dy ditë më parë në kryeqytet.
Nisma e marrë nga këshilltarët demokratë në Këshillin Bashkiak pritet të konkretizohet ditën e sotme. Drejtues të këshilltarëve të PD-së kanë kërkuar paradite, mbledhjen urgjente të këtij institucioni, në mënyrë që Bashkia të dëmshpërblejë qytetarët.
Nisma e PD-së pritet të sjellë jo pak debate, duke qenë se Bashkia e Tiranës akuzoi Ministrinë e Brendshme, se qëllimisht bllokoi trafikun në kryeqytet ditën e hënë.
“Grupi i Këshilltarëve të Partisë Demokratike në Bashkinë e Tiranës, do të thërrasë mbledhje jashtë rradhe të Këshillit të Bashkisë së Tiranës me qëllimin e vetëm marrjen e të gjitha masave administrative e organizative dhe para së gjithash gjetjen e fondeve të nevojshme për të zhdëmtuar deri në qindarkën e fundit qytetarët e dëmtuar prej Ramës” tha sot kreu i këshilltarëve të PD-së, Fredindnd Pone.
Vet kreu i Bashkisë Edi Rama, e cilësoi si një akt kriminal faktin që punonjësit e policisë nuk ishin në kryqëzimet kryesore në Tiranë dhe sollën bllokimin prej 4-5 orësh të trafikut në akset kryesore.
Nga ana tjetër PD dhe LSI e cilësuan sjelljen e Ramës si të papërgjegjshme dhe antiligjore.
Pas replikave politike, tashmë këshilltarët e PS dhe LSI në Këshillin Bashkiak do të kërkojnë dhe dëmshpërblimin e qytetarëve që qëndruan në trafik për disa orë.
a.k/NOA
