SHBA, 24 nëntor NOA - Samsung njoftoi se ka shitur që nga mesi i tetorit e deri tani më shumë se 600 mijë kopje të të riut Galaxy Tab, me sistem operativ Android.
Shtëpia e prodhuesve koreanë ka bërë të ditur se kërkesa e konsumatorëve në shumë vende të botës është shumë më e lartë se kapaciteti i prodhuar, duke hedhur poshtë thashethemet e përhapura nga disa analistë i cili tregonte se prodhimi i Galaxy Tab është përgjysmuar si pasojë e kërkesave shumë të ulta.
Në tregun italian, Samsung Galaxy Tab është lançuar në treg me një çmim fillestar prej 699 eurosh, por për fat të mirë ka pasur oferta interesante nga operatorët telefonik që lejojnë blerjen e tabletës me një çmim më të lirë, por kjo në sajë të një kontrate, që përfshin lidhjen në Internet me këtë kompani.
r.b/NOA