Tiranë, 25 nëntor, NOA – Pas inspektimeve të befta në disa gjykata të vendit, sot Këshilli i Lartë i Drejtësisë ka ndërmarrë një inspektim në mjediset e Gjykatës së Krimeve të Rënda, i kryesuar nga vetë numri 2 i këtij institucioni.
Kështu, bëhet me dije për agjencinë e Lajmeve NOA se nënkryetari i KLD-së, Kreshnik Spahia, ka qenë i shoqëruar nga ekspertë të Komisionit Evropian të cilët kanë dashur gjithashtu të shohin dhe verifikojnë sesi funksionin puna e gjyqtarëve në këtë institucion të rëndësishëm të drejtësisë, siç është Gjykata e Krimeve të Rënda.
Në një prononcim për mediat, Spahiu ka pohuar se së shpejti do të bëhet rinovimi i drejtimit për 10 gjykata në vend, duke shtuar se kandidatëve do t’u vlerësohet puna 2- vjeçare si dhe do t’u realizohet dhe një seancë dëgjimore.
n.e/NOA
