Tiranë, 26 nëntor, NOA – Institucionet shqiptare duhet të punojnë më shumë për promovimin e turizmit. Ky është vlerësimi që ka dhënë sot Sekretari i Përgjithshëm i Organizatës Botërore të Turizmit, Taleb Rifai, gjatë takimit të zhvilluar me Kryetaren e Kuvendit, Jozefina Topalli.
Rifai ka shprehur vlerësimet më pozitive për bukuritë natyrore. “Turizmi është e ardhmja e Shqipërisë, dhe ju duhet të ndiheni krenarë për mrekullitë e këtij vendi; të gjitha kapacitetet duhet të vihen në funksion të zhvillimit të tij”, tha Rifai.
Ai garantoi Kryetaren e Kuvendit se vizita e tij, do të jetë një shtysë e fortë për promocionin e Shqipërisë turistike në botë.
Sekretarin e Përgjithshëm të Organizatës Botërore të Turizmit Taleb Rifai,, autoriteti më i lartë i turizmit botëror, i cili vizitoi gjatë këtyre ditëve vendin tonë.
Rifai u shpreh se ndihet i impresionuar nga bukuria natyrore e Shqipërisë dhe vlerësoi progresin e konsiderueshëm që është bërë, në sektorin e turizmit.
Nga ana e saj Kryetarja e Kuvendit theksoi se Shqipëria ka bërë një hov cilësor në këtë fushë dhe theksoi se, qeveria dhe Parlamenti po i kushtojnë prioritet përmirësimit të infrastrukturës dhe shërbimeve të turizmit.
a.k/NOA
