Tiranë, 28 nëntor, NOA - Kryeministri i Turqisë Rexhep Tayip Erdogan i ka dërguar sot një mesazh urimi kryeministrin Sali Berisha me rastin e Ditës së Pavarësisë. “Me rastin e Festës Kombëtare të Republikës së Shqipërisë shpreh urimet e mia të përzemërta për Ju dhe për popullin vëlla shqiptar”, shkruan në mesazhin e tij Edrogn.
Duke shprehur urimet e për popullin shqiptar dhe homolog e tij, Erdogan vlerëson se bashkëpunimi mes dy vendeve do të vazhdojë të rritet në çdo fushë.
“Besoj sinqerisht se marrëdhëniet ekzistuese të miqësisë dhe bashkëpunimi që zhvillohet në çdo fushë midis vendeve tona do të vazhdojë të kontribuojë jo vetëm në të mirë të popujve tanë, por edhe për paqen dhe stabilitetin në rajonin tonë. Me këtë rast shpreh urimet më të mira për Ju dhe për begatinë dhe mirëqenien e popullit vëlla shqiptar”, shkruhet në mesazhin e kryeministrit turk për homologun shqiptar.
a.k/NOA
