Iran, 30 Tetor, NOA- Disa centrifuge që përdoren për të pasuruar uraniumin në centralet bërthamore janë prekur nga një virus kompjuteri. Denoncimi vjen nga presidenti iranian, Mahmoud Ahmadinejad.
"Ata arritën që të krijojnë probleme në një numër të kufizuar të centrifugeve tona në Natanz me një program që kanë instaluar në pjesët elektronike", tha presidenti iranian në një konferencë shtypi, duke aluduar për virusin Stuxnet. "Specialistët tanë e kanë ndalur dhe kjo gjë nuk do mund të përsëritet më", tha Ahmadinexhad, duke iu referuar mundësisë së një sulmi të ri.
a.e./NOA
