Imola, 30 Nëntor, NOA – 28 Nëntori ishte një ditë e rëndësishme për komunitetin shqiptar që jeton në Imola të Italisë.
Për festimin e pavarësisë nga Perandoria Osmane, që daton në 1912, shqiptarët e kësaj zone organizuan një festë të madhe me muzikë dhe valle nga atdheu i tyre.
Moti i keq nuk i ka ndaluar një grup të rinjsh dhe familjet që donin të argëtoheshin dhe që ishin të gatshëm për të bërë të njohur qytetarët e Imolas me doket dhe zakonet e tyre atdhetare.
Etnor Canaj tregon historinë e tij: "Unë kam ardhur në Imola në shtator 1994 dhe kam jetuar gjithmonë këtu. I larguar nga Shqipëria në kërkim të një situatë më të mirë se vendi im. Në fillim, ishte e vështirë hyrja dhe siç mendoj, kjo mund të jetë edhe për një italian që shkon jashtë vendit. Por pasi bëra punë të çuditshme, me anë të dijes, unë arrita të specializohem dhe tani kam një biznes të vogël artizanal. Unë e konsideroj veten të mirë-integruar dhe realizuar pjesërisht", tha ai. Por ai përmend edhe dia çështje kritike.
"Për fat të mirë, nuk kam jetuar në lëkurën time, raste të racizmit. Të paktën jo direkt dhe asgjë për t'u shqetësuar", thotë ai.
Ndërsa Ervin Cepa është më i ri dhe kishte një rrugë të ndryshme nga ai.
“Unë kam ardhur tetë vjet më parë në Itali, - thotë ai, - dhe në fillim unë kam folur me probleme. Pastaj kam ndjekur shkollën e mesme dhe pastaj tre vjet të Ipsia. Tani punoj si mekanik jam mirë”, shton ai.
n.e/NOA
