Tiranë, 30 Nëntor, NOA – Linja qytetëse e Unazës në kryeqytetin shqiptar, do të ketë edhe 10 autobusë të rinj më tepër.
Drejtuesit e kësaj linje pohojnë se një sasi e tillë, do të ndikojë në përmirësimin e ndjeshëm të cilësisë së këtij shërbimi për këtë linjë të mbipopulluar për qytetarët në linjën e Unazës.
“Ne shkojmë drejt përfundimit të projektit të rinovimit për linjën e unazës së Tiranës, e cila me këto 10 autobusë kalon në një numër të konsiderueshëm tërësisht të rinj. Unaza deri në fund të janarit do të ketë vetëm urbanë të rinj”, tha Rama lidhur me këtë investim të ri për transportin publik në kryeqytet.
n.e/NOA
