SHBA, 30 nëntor, NOA - Pas publikimit të dokumenteve sekrete të Ministrisë së Jashtme amerikane platforma e internetit Wikileaks paralajmëroi se do të publikojë në fillim të janarit dokumente të një banke të madhe amerikane.
Themeluesi i Wikileaks Julian Assange i tha revistës amerikane "Forbes" se dokumentet paraqesin një pasqyrë të sjelljes së menaxhmentit dhe tregojnë praktika joetike si dhe shkelje të padëgjuara deri tani.
Të dielen Wikileaks publikoi 250 mijë dokumente sekrete të Ministrisë së Jashtme amerikane.
Ato përmbanin edhe vlerësime dhe informata të ndjeshme për politikanët në mbarë botën. Në platforma të ndryshme të internetit njoftohet edhe për shumë dokumente sekrete që kanë të bëjnë me Shqipërinë, Kosovën, Serbinë dhe vendet tjera të Evropës Juglindore.
NOA/DV
