Tiranë, 1 dhjetor, NOA – Një 23-vjeçar është arrestuar dje nga Policia e Tiranës pas denoncimit të një gruaje për vjedhjen e çantës.
Dritan Halil Selmanllari, banues në Kodër Kamëz, një ditë më parë i kishte marrë me dhunë nga krahu një gruaje çantën në cilën ndodheshin 1800 euro dhe 3 200 lekë.Ngjarja ka ndodhur dje rreth orës 13.30, në rrugën “Hajdar Hidri”.
Sipas Policisë mendohet se Selmanlari ka bashkëpunuar me një person tjetër për të marrë çantën.
Pas denoncimit të gruas në polici është bërë dhe identifikimi i 23-vjeçarit. Forcat e policisë kanë bërë të mundur arrestimin e tij si dhe gjetjen e parave të vjedhura.
a.k/NOA
