Tiranë, 3 Dhjetor 2010 NOA – Pas mbledhjes disaminutëshe të Komisionit Parlamentar të Ekonomisë, ka rifilluar seanca plenare e nisur në orën 19.10 të ditës së djeshme.
Në fillim ka folur deputeti Edmond Spaho i cili tha se Komisioni pranoi në parim dy amendamente të deputetëve të opozitës që lidhen me kasat fiskale dhe procedurën e rimburismit financiar të blerjes së tyre.
Deputetët e Partisë Socialiste Andis Harasani dhe Arben Malaj, të cilët më herët kishin thyer vendimin e Grupit Parlamentar të kësaj force politike për të mos marrë pjesë në procesin e votimit të Buxhetit të Shtetit për vitin e ardhshëm, deklaruan se do të futeshin në votim.
Ata kanë mbrojtur dy propozime – amendamente për buxhetin e shtetit. Gjithashtu kanë kërkuar që të bëhet ulje e deficitit buxhetor.
Ndërsa deputetët e Grupit të PS ishin larguan nga salla duke u mjaftuar si zakonisht me pjesëmarrjen në debat, në vijimin e seancës plenare ku kanë qëndruar Malaj dhe Harasani, ka nisur procesi i votimit.
Me 71 vota kundër, 2 pro dhe një abstenim, u votua neni 1 dhe u hodh poshtë propozimi i parë i parashtruar nga Paria Socialiste që lidhje me deficitin buxhetor.
Kurse neni 2 u votua me 73 vota pro dhe dy kundër.
Më tej vijoi miratimi nen për nen i të gjitha neneve të Buxhetit të Shtetit 2011.
e.r/NOA Vijon...
