Uashington, 3 dhjetor, NOA – Pas sulmeve të hacker-ave, faqja e internetit WikiLeaks rezulton e mbyllur mëngjesin e sotëm.
Lajmi është konfirmuar nga “Associated Press”, sipas të cilës shkak për këtë është bërë kthimi i WikiLeaks në qendër të sulmeve nga hacker-ave.
Domaini i cili i ofron sistemin ndaj Wikileaks.org, EveryDNS, tha në një deklaratë se faqja e internetit ra të enjten vonë për shkak të sulmeve që kërcënuan pjesën tjetër të rrjetit të saj.
"Wikileaks.org është bërë objekt i mohimeve të shumta të shpërndara përmes sulmeve në rrjetin tonë të shërbimit. Këto sulme që parashikohen të jenë edhe të ardhshme do kërcënojnë në vetvete edhe stabilitetin e infrastrukturës EveryDNS.net", thanë zyrtarët e domainit në një deklaratë të posaçme.
EveryDNS ofron qasje në rreth 500.000 faqe të internetit.
WikiLeaks i ka zemëruar SHBA-të dhe qeveritë e tjera duke botuar pothuajse gjysmë milioni dokumente sekrete për luftërat në Afganistan dhe Irak, ku grumbulli i fundit përmban mijëra informacione diplomatike të klasifikuara të SHBA-ve.
n.e/NOA
