Uashington, 9 dhjetor, NOA – Kina duhet të lirojë sa më parë disidentin Liu Xiaobo që e mban në burg prej kohësh, i cili është dominuar kohët e fundit edhe si nobelisti i radhës për Paqen në botë.
Një apel të tillë vendit komunist ia ka drejtuar vetë Organizata ndërkombëtare për të drejtat e njeriut “Amnesty International”, bashkë me shtatë organizata të tjera për të drejtat e njeriut.
Së bashku në një zë, ato i bënë thirrje Republikës Popullore të Kinës, që të lirojë nga burgu nobelistin Liu Xiaobo.
Po ashtu, ato bashkangjitën në kërkesën e tyre, edhe faktin se nga burgu duhet të lirohen edhe të burgosurit e tjerë politikë.
Ndërkaq, Çmimi Nobel për Paqe ndahet këtë të premte në Oslo, ku bëhet me dije se disidenti që e ka fituar atë, gruaja e tij, por edhe përfaqësues nga 19 vende të botës, nuk do të jenë të pranishëm.
n.e/NOA
