Çekia jep 7 tonë ndihma për Shkodrën

Tiranë, 9 dhjetor, NOA – Qeveria e Çekisë është një prej vendeve të BE që i është përgjigjur kërkesën për ndihma nga pala Shqiptare. Pas vendimit të qeverisë dje në kanë mbërritur në aeroportin “Nënë Tereza” të Rinasit dy avionë ushtarakë me 12 tenda me kapacitet të madh.

Tendat dhe aksesorët e tyre përkatëse, rreth 7 tonë u ngarkuan nga ushtarët e Forcave të Armatosura shqiptare në kamionët ushtarakë, të cilët u drejtuan për në Shkodër, ku dhe do të vendosen këto tenda.

Ndihmat u morrin në dorëzim nga pala shqiptare dhe konkretisht Zv/Shefi i Shtabit të Përgjithshëm të FA të Republikës së Shqipërisë, Gjeneral Brigade Sandër Lleshi, si dhe dy përfaqësues nga Ministria e Brendshme, Drejtori i Përgjithshëm i Shërbimeve Mbështetëse, Isuf Çela së bashku me Sekretarin e Përgjithshëm pranë kësaj ministrie, Etion Kapedani.

Kurse nga pala çeke ishte e pranishme Znj. Marketa Fialkova, Ambasadore e Republikës Çeke në Republikën e Shqipërisë, e cila mirëpriti faktin, që këto ndihma, të cilat shprehin miqësinë e fortë midis Republikës Çeke dhe Republikës së Shqipërisë, mundi t´ja dorëzojë palës shqiptare pikërisht në ditën e Festës së Demokracisë.

a.k/NOA

KOMENTEShkruani Komentin