Tiranë, 9 dhjetor, NOA – Presidenti i Republikës, Bamir Topi, ka pritur sot në një takim të veçantë, në mjediset e Presidencës, përfaqësuesin e lëvizjes së dhjetorit ’90, Eduard Selami.
“Uroj shqiptarët për 8 Dhjetorin dhe këtë urim ua drejtoj për ditën e demokracisë”, mësohet të ketë deklaruar ky i fundit, para mediave, menjëherë pas takimit, ndërsa ka vlerësuar se takimi me kreun e shtetit u bë në kuadrin e një miqësie të hershme që ai gëzon me të.
“Takimi me Presidentin? Kam miqësi të vjetër”, tha ai lidhur me një fakt të tillë.
Ndërsa e ka cilësuar më pas Presidentin e sotëm të Republikës, Bamir Topi, si një ndër nismëtarët e lëvizjes së dhjetorit.
“Topi, ka një kontribut të veçantë për dhjetorin ‘90”, citoi Selami.
Duke shtuar më pas se me kreun e shtetit shqiptar, diskutoi në takimin e përbashkët, lidhur me situatën aktuale në vend.
“Qeverisja ka gjithmonë vend për përmirësime. U qëndroj deklaratave të mëparshme”, tha ai lidhur me këtë argument.
Ndërsa përfundoi se nuk është kthyer përfundimisht në Shqipëri dhe se do të kthehet sërish në SHBA.
n.e/NOA
