Ekspozitë me punimet e të burgosurve

Tiranë, 9 dhjetor, NOA – Nesër do të hapet në Tiranë një ekspozitë me punimet artistike të personave me liri të kufizuar.Është zgjedhur 10 dhjetori, Dita Ndërkombëtare e të Drejtave të Njeriut për të zhvilluar ceremoninë e ekspozitës.

Aktiviteti do të zhvillohet në orën 11:00, në Qendrën Kombëtare të Medias dhe Botimeve të Mbrojtjes (QKMBM), te Shtëpia Qendrore e Ushtrisë.

Ky aktivitet bëhet në bashkëpunim me Drejtorinë e Përgjithshme të Burgjeve. Aktiviteti pasqyron punën një vjeçare krijuese të kryer nga vet të paraburgosurit dhe të dënuarit.

Drejtuesit e Drejtorisë së Burgjeve thonë se aktivizimi i tyre në të tilla aktivitete, është në funksion të objektivave dhe vizionin e sistemit të vuajtjes së dënimit për rehabilitimin dhe ri-integrimin e personave me liri të kufizuar.

Ekspozimi i punimeve synon ndër të tjera, të tërheqë vëmendjen e individëve artdashës, duke i ftuar ata të kontribuojnë për këtë kategori.

a.k/NOA

KOMENTEShkruani Komentin