Tiranë, 10 Dhjetor 2010 NOA – Deklarata e kryeministrit Sali Berisha se Edi Rama është i gatshëm të hedhë valle edhe mbi kufoma, nxori sot në një reagim publik, anëtaren e Asamblesë Kombëtare të PS, Megi Ajtyresa.
Ajo iu drejtua Berishës me këto fjalë: “Saliu ka dështuar dhe rrenat e tij nuk i mbyllin dot sytë e shkodranëve para përmbytjes që sua pruri Zoti, por dora e paaftë e qeverisë”.
Kurse më tej, theksoi: “Saliu ka dështuar dhe fajin e tij për përmbytjet nuk e shlyejnë dot shpifjet për opozitën”.
Në përfundim të reagimit, Ajtyresa tha: “Saliu ka dështuar dhe largimi i kësaj qeverie është shpëtimi i vetëm për shqiptarët, që kjo qeveri votash të vjedhura i la në baltën e varfërisë, papunësisë, harresës dhe përmbytjeve”.
Lexoni deklaratën e Berishës që solli këtë reagim
