Minutë pas minute me zgjedhjet në Kosovë
Prishtinë, 12 dhjetor, NOA – Lëvizja Vetëvendosje ka denoncuar parregullsi në zhvillimi e zgjedhjeve në një qendër votimi.
Në një komunikatë zyrtare, Vetëvendosje shprehet se në një qendër votimit fletët e votimit janë shpërndarë në rrugë, gjë që përbënë një shkelje të rregullave elementare të procesit të votimit.
Sipas Vetëvendosjes disa njerëz kanë shpërndarë fletë votimi në qendrën e votimit me numër 2042/A, në shkollën “Gani Çavdarbasha”.
Sipas deklaratës së Vetëvendosjes ngjarja ka ndodhur në orën 11:20.
Në orën 14:00 drejtuesi i Lëvizjes Vetëvendosje, Albin Kurti do të jap një konferencë për mediat. Pritet që Kurti të mbajë dhe një qëndrim në lidhje me procesin dhe problemet që mund të jenë vrejtur nga vëzhguesit e Vetëvendosjes.
a.k/NOA
Lexoni gjithçka mbi zgjedhjet, minutë pas minute
