Japoni, 15 dhjetor NOA/ Rid Bulku - Nëse tashmë na ndan vetëm një semestër nga lançimi i i-Phone 5, mund të themi se tepër interesante po rezultojnë lajmet në lidhje me i-Phone 6, i cili pritet të vijë në treg jo më parë se vera e vitit 2012.
Thashethemet vijnë nga Japonia, ku Toshiba është duke u përgatitur për të investuar 1.2 miliardë dollarë për të ngritur një fabrikë të re për prodhimin e LCD-ve LTPS (temperaturë e ulët poli-silikon) për përdorim në smartphon-ët Apple.
Fabrika do të jetë në funksionim gjatë gjysmës së dytë të vitit të ardhshëm dhe Apple do të kontribuojë ndjeshëm në impiantet e saj.
Apple deri tani u është drejtuar LG Display për ekranët e i-Phone 4 dhe i-Pad, ku në disa raste ka pasur probleme të mëdha furnizimi.
Fabrika e re e Toshibas, në të cilën do të përfshihet Apple drejtpërdrejt si një investitor, duhet të shmangë vonesat në të ardhmen, në zinxhirin e prodhimit.
r.b/NOA
