Tiranë, 16 dhjetor, NOA – Një ngjarje e rëndë ka tronditur banorët përreth zonës tek ish-Uzina Enver, pak minuta më parë, ndërsa kanë dëgjuar të shtënat e një arme e cila rrëzoi përdhe dhe la pa jetë një person rreth moshës 50-55 vjeç.
Ajo konfirmohet paraprakisht për agjencinë e Lajmeve NOA nga burime të policisë së Tiranës, sipas të cilave, viktima mendohet të jetë një burrë rreth të 55-ave, ndërsa ende të panjohur janë personat që mund të kenë shkaktuar vrasjen e tij.
Ngjarja ka ndodhur vetëm para pak minutash, dhe policia bashkë me grupin hetimor ka mbërritur menjëherë në vendin ku u vra viktima dhe po merren në pyetje të gjithë dëshmitarët e mundshëm, si dhe po mblidhen të gjitha provat dhe dëshmitë për të siguruar zbardhjen e saj ...(vijon)
n.e/NOA
LEXONI ME SHUME MBI NGJARJEN
