Topi uron bektashinjtë për Festën e Hashures

Tiranë, 17 dhjetor, NOA - Presidenti i Republikës, Bamir Topi ka uruar sot gjithë besimtarët bektashinj për Festën e Hashures. Kreu i shtetit, së bashku me Sekretarin e Përgjithshëm, Aleksandër Flloko dhe Drejtorin e Kabinetit, Dashamir Xhaxhiu vizitoi sot Kryegjyshatën Botërore të Bektashinjve.

Ai u takua në Selinë e Shenjtë të Kryegjyshatës Botërore, me Kryegjyshin Botëror të Bektashinjve, Haxhi Dede Reshat Bardhi si dhe me dhe krerët e tjerë bektashinj.

Kreu i shtetit u shprehu atyre urimet më të mira e të përzemërta për të gjithë besimtarët bektashinj shqiptarë kudo ata ndodhen me rastin e Festës së Hashures.

a.k.NOA

KOMENTEShkruani Komentin