Nisur nga teknologjia që duhet për të bërë transplant organesh dhe kushtet në të cilat kjo bëhet, unë mund të them se Shqipëria edhe sot e ka të pamundur një gjë të tillë dhe jo atëherë në kondita lufte”, ka thënë Klosi në Tiranë. Raporti i Dickit, thuhet që bazohet mbi të gjitha, edhe në informacione të FBI-it dhe të shërbimeve të tjera të zbulimit
Nga Fehmi Ajvazi
Fytyra e tij, nuk është e harruar në Kosovë: Dick Marty, ka qenë dhe mbetet një vegël e fëlliqur e Beogradit. Gjithmonë në histori kanë ekzistuar elementë të këtillë që, ose e kanë shitur popullin e tyre, ose janë kthyer në vegla shërbyese të të tjerëve. Dick Marty është (kushtimisht ) një prototip ballkanik i Emir Kosturicës, ose i atij shkrimtarit rrugaç austriak, që e adhuronte Milosheviqin. Në këtë rast, më vjenë të vjellë nëse e përmendi emrin e kryeprokurores së Hages, Karla Del Ponte.
Por historia nuk mbaron me kaq nëse kthehemi dy – tri dekada prapa, dhe kujtojmë se sa shumë energji, djersë, demonstratë e luftë na u dashtë të bënim në Kosovë dhe rreth saj, për ta nxjerrë “të vërtetën e Kosovës” në opinionin ndërkombëtar. Ma shkurt, për ta nxjerrë në opinion të drejtën, krimin dhe shfrytëzimin tonë që na bëhej gjithandej në Ballkan: nga ballkanasit dhe euro-lindorët proserbë.
Marty duket të jetë një nxënës i mirë i kolegjit gebelsian “Shishja Martinoviq”, dhe i modelit shfarosës me helme toksike “Sarini i Mostarit”. Kundrejt kësaj, Dickit të çmendur dhe dishepujve të tij ultra komunist proserbë, nuk u konvenon ta njohin të vërtetën e masakrave, dhunimeve, zhbërjeve etno-kultorore, plaçkitjeve ekonomike në Kosovë dhe gjetiu të bëra nga segmentet politike-shtetërore serbe etj.
Prandaj, varësisht nga situatat dhe rrjedhat politike në mes të të cilave na hedhin erërat dhe dallgët, na dalin të këtillët si Marti dhe në vend se t’u themi ne, na thonë ata se ç’ka paskemi qenë, çka paskemi bërë, çka jemi…etj. Dick Marti, po thotë që paskemi bërë “shverc” në vigjile të luftës dhe, jo shferc dosido por, me njerëz…! Ky po lehë si një qen, dhe pak kush po merret me të vërtetën.
Disa herë, duket që s’është me rëndësi e vërteta! Me rëndësi është akuza publike, e cila sot mund të sofistikohet dhe të sajohet në çfarëdo forme nëse do të gjeni shërbëtor të fëlliqur si Dick Marti. Epo, edhe shërbëtorët s’është e vështirë të gjenden sepse, edhe janë gjendur gjithmonë.
Tani, janë shumë aktual. Julian Asange, ky që tronditi botën, hynë në radhën e ultradiversantëve euro-komunistë, të cilët e kanë bazën diku. Prova e goditjes së Hashim Thaçit, është prova e goditjes së shqiptarëve dhe e luftës së UÇK-së. Sajesa e provave, mund të gatuhet gjithandej.
Pra nuk është me rëndësi pesha e akuzës, me rëndësi është qëllimi dhe koha e akuzës. Historia është e mbushur me politika hazarde, në thelbin e të cilave sundon logjika e shtrirjeve morbide dhe kriminale, dhe jo demokracia e Aristotelit apo e Vudrov Vilsonit.
Ky shekull, ka filluar me komplote të mëdha. Prapaskenat, janë mjegulluar si asnjëherë. Sistemi demokratik është vënë nën vrushkujt e goditjeve politike të tipit bizantino-ortodoks. Etika barbare dhe stalinizmi vrasës, nuk mund ta durojnë ndryshimin e botës në cilësi, ringjalljen e së vërtetetës në jetë, lirinë universale të barabarësisë mes njerëve dhe racave etj.
Eurokomunistët, nuk mund ta pranojnë në oborrin e tyre njeriun politikan ( shqiptar) me epitete të Xhorxh Vashingtonit. Socialistët bizantin të tipit të Berlinguerit, Doleres Ibarurit, Zhorzh Marshesë, Fransua Miteranit apo të Dick Martit fodull, kanë qenë dhe mbeten vegla qorre të ideologjive idhnake dhe ndjekës të fshehtë të lavireve që kanë dalë prej gjirit të Proletariatit Ndërkombëtar.
Të 47 vendet e Këshillit të Evropës, ndjekin autorin. Ato, kanë dëgjuar një raport të Dickit të çmendur, detajet e të cilit janë përfolur në gazetën londineze Gardian. Mos është kjo gazetë në krizë materiale…? Por lidhur me temën që është përhapur gjithandej, ja çka thotë ish shefi i Shërbimit Kombëtar të Shqipërisë gjatë kohës për të cilën bëhet fjalë: “Shërbimi është i paingranuar në gjëra të tilla.
Këtë e them me përgjegjësi të plotë, duke njohur edhe aktivitetin e UÇK-së, duke pasur kontakte të përditshme dhe të përnatshme me atë ushtri, jam pothuaj i bindur se këto akuza janë absurde. Praktikisht ishte e pamundur në konditat në të cilat ishin ata, e pamundur që të sillnin robër lufte në Shqipëri, për vetë faktin se kufiri ynë me Kosovën ka qenë i minuar dhe i pamundur të kalohej.
Nisur nga teknologjia që duhet për të bërë transplant organesh dhe kushtet në të cilat kjo bëhet, unë mund të them se Shqipëria edhe sot e ka të pamundur një gjë të tillë dhe jo atëherë në kondita lufte”, ka thënë Klosi në Tiranë. Raporti i Dickit, thuhet që bazohet mbi të gjitha, edhe në informacione të FBI-it dhe të shërbimeve të tjera të zbulimit.
Por Klosi, ka thënë gjithashtu edhe këtë se, asnjëherë nuk ka dëgjuar nga shërbimet e huaja të zbulimit më te cilat është bashkëpunuar për akuza të kësaj natyre, qoftë dhe elementë fare ordinerë për ndonjë trafik, e jo më akuza kaq të rënda.
Të gjithë e dimë që z. Marti, ishte gjithmonë kundër Republikë së Kosovës dhe një përkrahës i Milosheviqit e Serbisë ? Ç’farë i duhet Këshillit të Evropës të jetë në unison, me Dick Martin ? Këshilli i Evropës, duhet menjëherë ta përjashtojë nga radhët e veta z, Marti, kurse Interpoli, duhet ta arrestojë sa më parë lidhur me shpifjet publike dhe akuzat penale që ia ka bërë kryeministrit të Kosovës, z. Hashim Thaçit dhe të tjerëve, si dhe për njollosjen e popullit shqiptar.
Kjo është vetëm ana formale e këtij holokausti politik dhe juridik që po bëhet në kontinuitet kundër shqiptarëve, kurse Qeveria e Kosovës ishte dashur urgjentisht të ngrejë padi penale kundër Këshillit të Evropës. Në parantezë, Qeveria e Kosovës ishte dashur të fillojë ngritjen e padisë penale në Gjykatën Ndërkombëtare për Krimet e Luftës në Hagë, kundrejt Serbisë, e cila ka zhvilluar etnocid kundër shqiptarëve dhe Kosovës, së paku prej vitit 1912 të shekullit të kaluar.
