“Është dështim i Sali Berishës që sot, për turp, nxënësit shqiptarë renditen të fundit në Europë dhe në pesëshen e fundit në botë sa i takon dijeve në shkenca, matematikë dhe lexim. Ja ku është vlerësimi ndërkombëtar, që e rendit Shqipërinë për faqe të zezë, në fund të botës. Për faj të Sali Berishës!”, tha ajo.
Shamku u shpreh se ky nuk është një dështim i nxënësve shqiptarë, të cilët kanë treguar se i kanë aftësitë akademike e shkencore kur sistemi arsimor në të cilin studiojnë iu ofron atyre kushtet e nevojshme.
“Është dështimi i Sali Berishës që sot cilësia e mësimdhënies në shkollat shqiptare i la djemtë e vajzat tona të fundit në Ballkan, të fundit në Europë e madje edhe pas vendeve si Kazakistani e Tunizia”, tha Shamku.
Ajo u shpreh se për faj të kryeministrit familjet shqiptare çojnë dëm investimin për shkollimin e fëmijëve të tyre.
“E dini ç’do të thotë ky tregues? Që për faj të Sali Berishës, shkon dëm investimi i prindërve për t'i shkolluar fëmijët me shpresën për t’u siguruar një të ardhme më të mirë! Sepse më këtë arsim, fëmijët tanë në Europën e kombeve do të mund të ofrojnë veç krahun e punës”, tha Shamku.
Ajo e cilësoi renditjen si të turpshme dhe e dhimbshme.
“Në fund të listës do të thotë, që Sali Berisha, jo vetëm po çon dëm investimin e miliona prindërve, jo vetëm që po çon dëm mundin e mijëra arsimtarëve, por po hedh në erë edhe ëndrrën për zhvillim vetjak e kombëtar të gjithë shqiptarëve”, tha Shamku.
a.k/NOA
